यहि जुलाई १८ मा एन आर एन जापानको चौथौ अधिबेशनले रोशन के.शीको नेतृत्वलाई चईन गरेको छ । हाल सम्म उपाध्यक्ष पद सहमालीरहनु भएका रोशनको काँधमा निरबिरोधकै रुपमा अध्यक्ष पद थपिएको छ ।
रोशन के.सी गुल्मी घर भई हाल जापानमा ब्यबसाय गरिरहनु भएको छ । जापानमा रहेका अन्य संघसंस्थाहरुमा पनि आवद्ध रहदै आउनु भएका रोशनले हामी आफ्नो देश छोड्नु पो बाध्यता हो, आफ्नो देशलाई मायाँ नगर्नु र बिर्सनु बाध्यता हैन भनेर भन्छन । त्यसैगरि देश र जनताको हितका लागि हामीले राजनितीनै गर्न पर्छ भन्ने छैन भन्ने रोशन के.शीसंग नारी सञ्जाल बिच भएको कुराकानी
१. यहाँको कार्यकाल कति समयको हुने छ ?
त्यस्तै १३, १४ महिनाको हुने छ ।
२. यति छोटो समयमा के के सम्म गर्न सकुला जस्तो लाग्छ ?
आफ्नो कार्यकालमा बिगतमा अधुरा रहेका धेरै कामहरु सकेर नयाँ कामको जग थाप्न पाए हुन्थ्यो । सबै भन्दा पहिला सन २०११ लाई पर्यटन बर्षामा भब्यताका साथ मनाउने लक्ष लिएको छु । र त्यो बाहेक पनि खै हेरु.............
यो अध्यक्ष पद यति सजिलै आफ्नो पोल्टामा आउनुको श्रेय कस्लाई थान्नु हुन्छ ?
आज सम्म समाजमा मैले गरेका कार्यकुशलतालाई मुल्याङकन गर्ने समस्त जापानवाशी नेपालीहरुलाई थानेको छु ।
यहाँको राजनैतिक धार कस्तो छ ?
खास म त सबै पार्टीसंग समान दुरीमा रहन रुचाउछु । मन पर्ने नपर्ने पक्ष सबै पार्टीमा अबश्य हुन्छ । तर एकले अर्कोलाई हिलो छयाप्ने, आपसमा दोषारोपन गर्ने र आफु-आफ़ुमा खुट्टा तानातान गर्ने दलहरुको घटिया पना हो की जस्तो लाग्छ ।
यो समाज सेवा गर्छु भन्ने ब्यक्ती पारिवारीक सेवामा कम्जोर हुन्छनरे नी ?
त्यो कुरा केहि प्रतिशत सहि हो । परिवारले चाहे अनुरुप सबै समय दिन सहिदैन । जति पनि कुराहरु समजदारीमा भर पर्छ ।
जापानमा एन आ एन पुरुष मात्रै हो की क्या हो ??
हाल सम्म ६ जनाको कोटा खालि छ । त्यसमा नारीहरु समाबेस अबश्य गरिने छ ।
नारी सहभागीता त एक जना पनि थिएन नी ?
ओ.... हो ... सहि प्रश्न गर्नु भो, यो प्रश्नको निकाशका लागि हामी सबै गम्भिर हुनै पर्छ ।
सामाजीक काममा जस पाईदैन भन्छन नी ??
जहाँ पनि र जहिले पनि जस र अब्जस भईनै रहन्छ । हामीले जसको मात्रै आशा पनि गर्नु भएन नी !
अध्यक्ष पद पाएर खुसीको अनुभव गर्नु भयो की ?
हैन, अहिले मलाई खुसी भन्दा पनि जिम्मेवार थपिएको महसुस गरेको छु ।
यो बिदेशमा समाज सेवा गर्छु भन्ने मान्छे पाचिङको (जापानमा निकै खेलिने जुवातास अन्तरगतको खेल ) खेल्नु पर्दैन भन्छन नी ??
एक दमै सहि कुरा हो । संस्थाको कोषबाट चलाउने कुरो आएन सबै आफ्नै पकेटबाट संस्था हाँक्नु पर्छ । तर सेवानै धर्म थान्ने हो भने समाज सेवा जस्तो आत्मासन्तुष्ती अरुमा हुदैन जस्तो लाग्छ ।
नेपाली नारीहरु ओझेल पर्नुको मुख्य कारण के हो ?
पहिलो पितृसतात्मक देश, देश्रो अशिक्षा हो ।
यहाँले आज सम्मको अनुभवमा हाम्रो समाजमा आधाआकाश नारीको भुमिकालाई कसरी हेरीरहनु भएको छ ?
मेरो ब्यक्तीगत हिसाबले भन्ने हो भने हाम्रो समाज मात्रै हैन नारी बिना सिंगो संसार नै चल्दैन ।
दिन प्रति दिन थपिंदै आएको नेपालीहरुको समस्याको समाधानमा एन आर एनको सहभागीता कम भयो भन्ने गुनासो छ नी ?
समग्रमा भन्ने हो भने सबैले संधै सबै तिर ध्यान पुराउन सकिदैन । प्रत्यक्ष र अप्रत्यक्ष रुपमा धेरै कामहरु भएका छन ।
जापानमा भएका अन्य संधसंस्थालाई एन आर एनले गरिने ब्यवहार भिन्न छ भन्ने सुनिन्छ नी ??
हैन सिंगो एन आर एनको बिधान र नियम अनुसार चल्दा त्यस्तो भान पर्न गएको होला । तर सबै संघसंस्थाहरुसंग समन्वयता नगाँसे सम्म एन आर एन सम्भव छैन ।
अन्तमा केहि छ की ??
यसरी आफ्नो कुरा ब्यक्त गर्ने मौका दिनु भो जस्को लागि म धेरै आभारी छु । संधै सफलताको कामना गर्द छु ।
