उचित पालन पोषणको अभाबमै नारी सञ्जालले यो पहिलो नयाँ मनाउँदै छे । नारी सञ्जाललाई जन्म दिने संबन्धमा करिब पाँच बर्षसम्म  पाँच सय पटक सोच्नु परेको थियो । त्यसरीनै पाँच गुना जन्म दिन मुस्किल भएको थियो भने त्यतिनै गुना हुर्काउँन धौ धौ भएको छ ।

जन्म नदिनु थियो, जब जन्म दिए पछि जसरी तसरी हुर्काउँन त पर्छ नै । एउटी अबिभाबकको हैसियतले भन्नु पर्दा महिना र दिनले त एक बर्षपुगेको छैन । तर केहि महिनाको अन्तरालमा मिठा भन्दा तिता अनुभबहरु धेरै बटुलिसकेकी छु । तै पनि नारी भएर जन्मनुको अभिशाब हैन, यो धर्तीमा नारी भएर जन्मलिनुको सार्थकता खोज्दै छु । जस अर्थमा मिठा अनुभबले पुल्पुलिनु भन्दा तिता अनुभबबाटै हुर्किनु पर्छ भन्ने महसुस गर्नुका साथै उपलब्धि मुलक हुने थहर पनि गरेकी छु ।

सोचे जस्तो र उद्देश्य अनुरुप हुन सकेको छैन । तर यो अलाईन दिन दिनै नयाँ-नयाँ खुराक पस्कने र जल्दाबल्दा समचार मुखी भने हैन । खरानी भन्दा जोगी धेरै भएको कारण सबै अनलाईन पत्रिकाहरु एक आपसमा कपि पेष्ट गरेर चलिरहेको अबस्था भने छिप्न सकेको छैन । त्यति मात्रै हैन अरुको श्रोत आफुले कपि पेष्ट गर्ने तर आफ्नो श्रोत अरुले कपि पेष्ट गर्न नमिल्ने जस्ता अनलाइनहरु पनि छन । त्यहि वातवरणमा जन्मेको एउटी नारीको एक्लो जोस र बृहत सोचले निकास पाउँन सकेको छैन ।

यसै त एक्लैले गर्न सकिने कुरो नै हैन, त्यो माथि पनि यो बिदेशको बसाई, शारिरिक थकाई र पारिवारिक तनावबाट मुक्ती नपाईरहेको अस्थामा एक्लैले नयाँ-नयाँ श्रोतको जुटाउँन पनि फलामको चिउरा झै भएको छ । तै पनि जसरी तसरी अगाडी बढ्नु भन्दा अर्को बिकल्प देख्दीन । अन्तमा यो नेपाली नयाँ बर्ष २०६७ को उपलक्षमा हार्दिक मंगलमय शुभकामना !!!